«Тобыл» «Партизанға» қарсы екінші ойында да жеңіліс тапты

Алғашқы кездесу Белградта өтіп, «Партизан» айқын басымдықпен жеңіске жеткен еді – 3:0. Сол себепті қазақстандық командаға қарымта ойында мүмкіндігінше тез әрі көп гол соғу керек болды.

Ислам Чесноков матчтың алғашқы минуттарынан-ақ шабуылға көшіп, 7-минутта есеп ашты. Бұл – оның Қостанай командасына қайта оралғаннан кейінгі алғашқы голы.

Алайда осыдан кейін Мирослав Ромащенконың шәкірттері шабуыл қарқынын жоғалтып, артықшылығын арттыра алмады. Керісінше, қонақтар гол соқты: Митрович екінші таймның басында есепті теңестіріп, қостанайлықтардың келесі кезеңге өту мүмкіндігін тым азайтты.

Алаңда бұдан әрі аса қызықты сәттер орын ала қоймады, ал қосымша уақытта Ромащенко командасы тағы бір гол жіберіп алды. Осылайша, екі ойын қорытындысы бойынша жалпы есеп 5:1 болып, Белград ұжымы Конференциялар лигасының плей-офф кезеңіне жолдама алды, ал «Тобыл» еурокубокпен қош айтысты.

УЕФА Конференциялар лигасы

3-і іріктеу кезеңі

«Тобыл» – «Партизан» 1:2

Голдар: Чесноков, 7 – Митрович, 47, Траоре, 90+2

21+, «Domina Fortuna (Домина Фортуна)» ЖШС Қазақстан Республикасының Мәдениет және спорт министрлігінің Туризм индустриясы комитеті» РММ 31.08.2021 жылы берген № 21025302 лицензиясы негізінде әрекет етеді.