Оралхан Өміртаев: Ринат Әлеуетов маусым басында қатаң талаптар қойды

"Оқжетпес" клубының шабуылшысы Оралхан Өміртаев команданың бас бапкері Ринат Әлеуетовке қатысты өз пікірін білдірді:

"Шыны керек, жылдың басында командаға келген кезде өз талаптарын бірден қойып тастады. Біздің жаттығулар өте қиын болды, соған қарамастан шыдап, барлық жоспарды орындап, маусымды бастадық. Алғашқы үш турда 7 ұпай жинадық, маусымды жақсы бастадық. Әрі қарай үзіліс болды, сол үзілістен кейін өзімізге деген сеніміміз арта бастады. Осындай қысқа маусымның ішінде команданы жасақтау оңай шаруа емес", – деді Оралхан Өміртаев.